الموضوع مش محتاج أى مجهود منك !!

لو إزازة بلاستيك ( مياه معدنية - زيت - خل .. الخ ) فضيت عندك مترميهاش 
لو إزازة شامبو - بلسم - كريم - شاور جيل .. الخ 
لو إزازة بلاستيك منظف ( بريل - كومفورت - ويندكس .. الخ )
لو إزازة بلاستيك حاجة ساقعة أو كانز أو عصير بلاستيك أو كانز 
أى معلبات بلاستيكية ( مايونيز - طحينة - آيس كريم .. الخ ) 

أى حاجة من دول لو فضيت عندك مترميهاش 

- طاب هتعمل فيها إيه الحاجات دى ؟!!!!!!!!

هتجمعها فى كيس كبير و هتتصل بينا و احنا هنجيلك لحد البيت نوزنهم قدامك 

مثلاً : لو طلعوا 10 كيلو , هتاخد 10 جنيه 
لو طلعوا 20 كيلو , هتاخد 20 جنيه .. و هكذا على حسب الوزن

- طاب الحاجات دى بنعمل بيها إيه ؟!!!!!

الحاجات دى بتروح لمصانع التدوير , و يتم فرمها و تحويلها لمادتها الخام مرة تانية .. بدل ماتروح لدولة زى الصين و ترجعلنا تانى فى شكل فوانيس و لعب أطفال بأضعاف ثمنها ..
و انت كده بتساهم معانا فى رفع اقتصاد بلدك و بتقلل فى نفس الوقت من القمامة و بتنشر ثقافة إعادة التدوير و بتشارك فى تنظيف و تطوير المجتمع و تحضره .

لو عاجباك الفكرة شارك معانا فى تحقيقها و قول لقرايباك و اصحابك و جيرانك عشان أكبر عدد ممكن من الناس يساهم فى نجاحها و تظهر نتيجتها علينا و على بلدنا .